பஜ்ஜி மிளகாய் குர்மா (mirchi ka salan)

 

பஜ்ஜி மிளகாய் குர்மா (mirchi ka salan)

தேவையானவை:

பஜ்ஜி மிளகாய்-5

வெங்காயம் - 1 

தக்காளி -2

மிளகாய் பொடி-1 ஸ்பூன்

சீரகபொடி-1 ஸ்பூன் 

மஞ்சள் பொடி-1/2 ஸ்பூன் 

கரம் மசாலா பொடி-1 ஸ்பூன் 

இஞ்சி,பூண்டு விழுது-1 ஸ்பூன்

புளி தண்ணீர்-1/2 கப் 

 

 வறுத்து அரைக்க:

தேங்காய் துருவல்-1 /2 கப்

வேர்கடலை-1 /4 கப் 

எள்ளு -2 ஸ்பூன்  

சிகப்பு மிளகாய் -3

கடலை பருப்பு -2 ஸ்பூன்

சீரகம்-1 ஸ்பூன்

கொத்தமல்லி விதை-2 ஸ்பூன்

 

தாளிக்க:

கடுகு

கருவேப்பில்லை

 

செய்முறை:

*கடாயில் எண்ணை ஊற்றி பஜ்ஜி மிளகாயை வதக்கி தனியாக எடுத்து வைத்துகொள்ளவும்.

 

*அதே கடாயில் கடுகு,கருவேப்பில்லை போட்டு தாளித்து வெங்காயம்,இஞ்சி பூண்டு விழுதை சேர்த்து வதக்கவும் பின்பு அதில் தக்காளி,மிளகாய் பொடி,சீரகபொடி,மஞ்சள் பொடி, கரம் மசாலாவை சேர்த்து எண்ணைபிறியும் வரை வதக்கவும்.

 

*பின்பு அதில் வறுத்து அரைக்க கொடுத்துள்ள பொருட்களை அரைத்து கொட்டி,புளி தண்ணீர் சேர்த்து 20 நிமிடம்  நன்கு கொதிக்கவிடவும்.

 

*பின்பு அதில் வதக்கி வைத்துள்ள மிளகாயை சேர்த்து 5 நிமிடம் கொதித்ததும் இறக்கவும்.

 

*இந்த குர்மாவை பிரியாணி,புலாவ் வுடன் சாப்பிட நன்றாக இருக்கும்.

 

உருளைக்கிழங்கு கோப்தா கறி

உருளைக்கிழங்கு கோப்தா கறி
தேவையானவை:
உருளைக்கிழங்கு-2 கப் (வேகவைத்து மசித்தது)
மிளகாய் பொடி-2 ஸ்பூன்
சோள மாவு-3 ஸ்பூன்
உப்பு-தேவைகேற்ப
கொத்தமல்லி இலை

எண்ணை-பொரித்தெடுக்க

கிரீம்-1/4 கப்.

வதக்கி அரைக்க:

வெங்காயம்-1
தக்காளி-3
மிளகாய் பொடி-1 ஸ்பூன்
கொத்தமல்லி பொடி-1 ஸ்பூன்

கரம் மசாலா பொடி-1 spoon
இஞ்சி,பூண்டு விழுது

தாளிக்க:

சீரகம்

கருவேப்பில்லை

செய்முறை:
*உருளைகிழங்கை வேகவைத்து,மசித்து அதனுடன் மிளகாய் பொடி,உப்பு,கொத்தமல்லி இலை சேர்த்து கலந்து வைக்கவும்.
*அதிலிருந்து சிறு உருண்டை எடுத்து சோள மாவில் பிரட்டி வைக்கவும்.

*அந்த உருண்டைகளை எண்ணெயில் பொரித்தெடுத்து வைக்கவும்.

*கடாயில் எண்ணை ஊற்றி வெங்காயம்,தக்காளி ,இஞ்சி,பூண்டு விழுது, பொடி வகைகளை சேர்த்து வதக்கி, ஆறவிட்டு நன்கு விழுதாக அரைத்து எடுத்து வைக்கவும்.

*கடாயில் எண்ணை ஊற்றி சீரகம்,கருவேப்பில்லை தாளித்து அரைத்த விழுதை சேர்த்து வதக்கவும் .

*பின்பு அதில் கிரீம் சேர்த்து கொதித்ததும்,அடுப்பை நிறுத்தி ,பொரித்து வைத்துள்ள உருண்டைகளை சேர்த்து இறக்கவும்.

*உருளைக்கிழங்கு கோப்தாவை ப்ளைன் புலாவ்,சப்பாத்தி உடன் பரிமாறலாம்.

சர்க்கரை பொங்கல்

சர்க்கரை பொங்கல் 

தேவையானவை:

அரிசி-1 கப்

பாசி பருப்பு-1/4 கப்

வெல்லம்-1 1/2 கப்

முந்திரிபருப்பு-10

நெய்-1/4 கப்

ஏலக்காய் பொடி-சிறிதளவு

 

செய்முறை:

*குக்கரில் அரிசி,பருப்பு,4 கப் தண்ணீர் சேர்த்து 3 விசில் விட்டு எடுத்து வைக்கவும்.

*முந்திரிபருப்பை நெய்-யில் வறுத்து வைக்கவும்.

*ஒரு பாத்திரத்தில் வெல்லம் சிறிது தண்ணீர் கலந்து கொதிக்க விடவும்.வெல்லம் தண்ணீரில் நன்கு கரைந்ததும் வடிகட்டி வைக்கவும்.

*பின்பு வேகவைத்துள்ள அரிசி,பருப்பு கலவையில் வெல்ல தண்ணீரை ஊற்றி , நெய் சேர்த்து நன்கு கொதிக்கவிட்டு ,கெட்டியானதும் நெய்- யில் வருத்த முந்திரி,ஏலக்காய் பொடி சேர்த்து இறக்கவும்.